Ĉu vi ŝatas malgrandan neluksan finsomeran renkontiĝon? Ĉu al vi estas agrable, ke dum renkontiĝo oni havas ŝancon konatiĝi kun ĉiuj partoprenantoj kaj eviti la anonimecon? Ĉu vi ŝatas viziti mezepokstilan urbon kun multaj trabfakaj domoj, kastelo, malnova universitato kaj multaj pliaj vidindaĵoj? Ĉu vi ŝatas ĝui la naturon kaj fari promenojn, sed ankau aŭskulti prelegojn kaj diskuti? Ĉu vi ŝatas ludi amuzajn kaj pensigajn ludojn?
Se tiel, por vi taŭgas la 20-a KISO de lundo, la 23-a, ĝis dimanĉo, la 29-a de aŭgusto 2010 en Marburg en la Naturamika Kabano, kiu situas en la arbaro proksime al la urbo.
Detalajn kaj pli kaj pli aktualajn informojn vi trovas rete http://www.esperanto.de/KISO
Ĉion bonan, plezuran printempon kaj someron deziras al vi nome de la organiza teamo, Gunter